Zëvendëskryeministri i parë dhe njëherësh shefi i diplomacisë kosovare ka falënderuar ish homologun e tij gjerman Sigmar Gabriel, shkruan arbresh.info

Ai e ka bërë këtë me rastin e formimit të qeverisë së re të Gjermanisë, pjesë e së cilës nuk është më Gabriel.

Sipas Pacollit, Gjermania mbetet njëra nga aleatet më të rëndësishme të Kosovës në Evropë.

Lexoni të plotë shkrimin e tij:

Falënderoj nga zemra ish-Ministrin e Jashtëm gjerman, mikun tim, Sigmar Gabriel, për kontributin e çmuar dhe punën e tij të rëndësishme si Ministër i Jashtëm i Gjermanisë për të gjitha vendet e Ballkanit Perëndimor dhe për Kosovën.

I shpreh urimet më të sinqerta dhe konsideratat më të larta Ministrit të ri të Punëve të Jashtme të Gjermanisë, Heiko Maas, për përzgjedhjen e tij në këtë funksion dhe pres me padurim që të punojmë së bashku në avancimin e mëtejmë të marrëdhënieve në mes dy vendeve tona në të gjitha nivelet, bashkëpunimin rajonal, procesin e integrimit euo-atlantik dhe anëtarësimin e vendit tonë në Organizatat Ndërkombëtare.

Gjermania ka qenë dhe mbetet njëri nga aleatët më të rëndësishëm strategjik i Kosovës në Evropë./Arbresh.info/